طال السكوت وعسعس الليل حيران
تـاه النجـوم وضيعنـه بطوولـه
مل وسرى لمعانـق النورعجـلان
شق الظلام ولالقـا الصبـح حولـه
ويا محسن الي مرتوي عقل وجنان
من شعر راسه لين أصابع رجولـه
لله درك ياسـلايـل حـويـضـان
وين المقال الي يطولـك وانوولـه
قدرك يسكت راقي الانـس والجـان
ومرقابك اصعب من طلوعه نزولـه
حتى ونا الي حابس الشعر بجنـان
واروض الـي ماتـرووض خيولـه
ياما قطفته ورد من روس الاغصان
وياما لمسـت بطعـم كفـي ذبولـه
حتى لمحت الشوك بكفوف عميـان
ورحت انبش التاريخ عن جرح دوله
تلعبي افكـاري علـى كـف ربـان
مـدري جهـل ولابـراءة طفولـه
الحاصل اني جيتـك اليـوم بلشـان
ب/شلون اقول الي بنفسـك تقولـه
والعاقل الي يركب لسانـه حصـان
اما صـدق ولا خثـع فيـه قولـه
هذا الزمن ماهو مثل كـل الازمـان
يدور فينا عكـس منطـق فصولـه
الشي وضده راحو بصورة اقـران
والمذهل انـا مـا نحـس بذهولـه
صار الردى يرجح ورى كل ميـزان
والطيب وزنه مايجـي ربـع تولـه
الناس صارت لاقرب الناس عدوان
والمشتكي منهـم عليـه اشتكولـه
موضوع: هذا الزمن ماهو مثل كـل الازمـان 
السبت 15 مارس 2008, 16:17
